کراچی : وزیرصحت سندھ ڈاکٹرعذراپیچوہو نے کوروناویکسین لگوالی ، ویکسین سے پہلے صوبائی وزیر ڈاکٹر عذرا پیچوہو نے 1166 پر خود کو رجسٹرڈ بھی کروایا۔
تفصیلات کے مطابق سندھ میں دوسرے مرحلے میں 60 سال سے زائد عمر کے افراد کی کورونا ویکسی نیشن جاری ہے ،صوبائی وزیر صحت سندھ ڈاکٹر عذرا پیچوہو نے کرونا ویکسین لگوالی۔
اس موقع پر سیکریٹری صحت ڈاکٹر کاظم جتوئی، جناح اسپتال کی ایگزیکیوٹو ڈائریکٹر ڈاکٹر سیمی جمالی اور دیگر بھی موجود تھے۔
صوبائی وزیر صحت نے جناح اسپتال میں قائم ویکسینیشن سینٹر میں ویکسین کے تمام مراحل میں حصہ لیا اور سائنوفارم ویکسین کی پہلے خوراک لگوائی ، ویکسین لگوانے کے بعد صوبائی وزیر صحت نے 30 منٹس نگہداشت میں گذارے۔
ویکسین سے پہلے صوبائی وزیر ڈاکٹر عذرا پیچوہو نے 1166 پر خود کو رجسٹرڈ بھی کروایا۔
خیال رہے پاکستان میں ساٹھ سال سےزائدعمرکے افرادکی ویکسی نیشن جاری ہے، ویکسین لگوانے کے خواہش مند افراد آن لائن رجسٹریشن کراسکتے ہیں۔
واضح رہے ملک میں کوروناکےمزید تریپن مریض انتقال کر گئے، جس کے بعد اموات کی تعفادف تیرہ ہزارتین سوستترہوگئی جبکہ چوبیس گھنٹوں میں 2 ہزار 258 کیس رپورٹ ہوئے۔
