اسلام آباد : ترجمان دفتر خارجہ ڈاکٹر محمد فیصل نے کہا ہے بھارت مقبوضہ کشمیرکوزبردستی ساتھ ملانے پرآگیا ہے،بھارت کی یہ کوشش بھی ناکام ہوگی۔
تفصیلات کے مطابق ترجمان دفتر خارجہ ڈاکٹر محمد فیصل نے سماجی رابطے کی ویب سائٹ ٹوئٹر پر کہا اوآئی سی کےجموں کشمیرکانٹکٹ گروپ کا آج جدہ میں اجلاس ہوگا ، اجلاس مقبوضہ کشمیرمیں غیرقانونی اورقابل مذمت اقدامات پرہورہا ہے، وزیرخارجہ اجلاس میں پاکستانی وفد کی قیادت کریں گے۔
ترجمان دفترخارجہ کا کہنا تھا کہ بھارت مقبوضہ کشمیرکوزبردستی ساتھ ملانے پرآگیا ہے، بھارت کواپنے اس اقدام میں بھی ناکامی ہوگی۔
OIC-IPHRC expresses deep concern over actions by India, in IoK, causing fear and panic among innocent Kashmiris, arbitrary arrests of Kashmiri leadership and media reports of attempts to alter demographic status of the disputed territory https://t.co/w0Tw0l3Lq4
— Dr Mohammad Faisal (@DrMFaisal) August 5, 2019
یاد رہے بھارتی پارلیمنٹ کے اجلاس میں بھارتی وزیرداخلہ نے آرٹیکل 370 ختم کرنے کا بل پیش کیا تھا ، تجویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے۔
مزید پڑھیں : پاکستان نے مقبوضہ کشمیر سے متعلق بھارتی اعلان مسترد کردیا
بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کرکے اختیارات کونسل آف منسٹرز کو دے دیئے، جس کے بعد مقبوضہ کشمیر کی خصوصی حیثیت ختم ہوگئی تھی۔
پاکستان نے مقبوضہ کشمیر سے متعلق بھارتی اعلان مسترد کرتے ہوئے کہا تھا بھارت کا کوئی بھی یک طرفہ قدم کشمیر کی متنازعہ حیثیت ختم نہیں کر سکتا، بھارتی حکومت کا فیصلہ کشمیریوں اور پاکستانیوں کے لیے ناقابل قبول ہے۔
