The news is by your side.

Advertisement

خیرات میں کنوینر شپ نہیں چاہیے، کارکن بن کرپارٹی میں رہوں گا، فاروق ستار

کراچی : ایم کیو ایم پاکستان کے سربراہ فاروق ستار نے کہا ہے کہ مجھے خیرات میں کنوینر شپ نہیں چاہیے، کارکن بن کر ایم کیو ایم کے ساتھ کام کرنے کو تیار ہوں، اقتدار کی سیاست ساتھیوں کو مبارک ہو ۔

ان خیالات کا اظہار انہوں نے پی آئی بی کالونی میں ایم کیو ایم ورکرز اجلاس سے خطاب کرتے ہوئے کیا، ڈاکٹر فاروق ستار نے کہا کہ ٹنکی گراؤنڈ کے جلسے کیلئے اپنی عزت نفس اور کامران ٹیسوری کی قربانی دی اب کہا جا رہا ہے کنوینر بن جائیں لیکن سربراہ کا لفظ استعمال نہ کریں۔

ہاتھ کاٹ کر مجھے سربراہ بنانا چاہتے ہیں، خیرات میں کنوینر شپ نہیں چاہیے کیوں کہ کل الیکشن میں کوئی گڑبڑ ہوگئی تو سارا ملبہ میرے سر پر ہوگا۔

اگر اقتدار کی سیاست پارٹی کے اندر ہو تو میں اس کا حصہ نہیں بننا چاہتا، پارٹی میں کارکن بن کر رہوں گا، انہوں نے اعلان کیا کہ اس بار میں الیکشن نہیں لڑوں گا، اقتدار کی سیاست خالد مقبول اور دیگر ساتھیوں کو مبارک ہو۔

ان کا کہنا تھا کہ ہم نے پارٹی بچائی تھی اب پارٹی پر قبضہ کیا جارہا ہے، وسیم اخترنو ارب روپے کا حساب مجھے دیں تاکہ میں آگے جواب دوں۔

فاروق ستار نے کہا کہ میں کل بھی، آج بھی اور ہمیشہ ایم کیو ایم کے ساتھ رہوں گا، مر بھی جاؤں گا لیکن پارٹی نہیں چھوڑوں گا کیوں کہ میں عوام سے الگ نہیں ہوسکتا اور نہ ہی میں سیاست سے الگ ہو رہا ہوں جب کہ میں آج خود کو کارکن کی حیثیت سے پیش کرتا ہوں۔

Comments

comments

یہ بھی پڑھیں