اسلام آباد: امریکا میں قید ڈاکٹر عافیہ صدیقی کی بہن ڈاکٹر فوزیہ صدیقی وزارت خارجہ کے عدم تعاون پر اسلام آباد ہوئی کورٹ پہنچ گئیں۔
اسلام آباد ہائی کورٹ آمد پر فوزہ صدیقی نے میڈیا سے گفتگو میں کہا کہ عدالت میں درخواست دائر کرنے آئی ہوں، عدالت کا حکم تھا کہ اگر وزرات خارجہ تعاون نہ کرے تو عدالت کو آگاہ کیا جائے۔
فوزیہ صدیقی نے کہا کہ 7، 8 اور 9 اگست عافیہ سے ملنے جانے تھا لیکن ایسا نہیں ہو سکا، اب مجھے ملنے بھی نہیں دیا جا رہا ہے، امریکی اسٹیٹ ڈپارٹمنٹ کا مؤقف ہے کہ پاکستان نے ملاقات کیلیے کوئی پیغام نہیں بھیجا۔
انہوں نے بتایا کہ اس سے قبل والی ملاقات کی باقاعدہ درخواست بھیجی گئی تھی، وہ گوانتانامو بے سے بدترین جگہ میں ہے اور اس پر بدترین تشدد کیا جا رہا ہے، گوانتانامو بے جیل اس ہول نما سیل کے سامنے جنت لگے گی۔
ان کا کہنا تھا کہ وزرات خارجہ کے پاس وہ دستاویزات موجود ہیں جو کیس کو آگئے بڑھا سکتی ہیں لیکن وہ ہمیں دستاویزات نہیں دے رہی ہے، ہماری ٹکٹس اور وکلا کی فیس ضائع ہو رہی ہے۔
