The news is by your side.

Advertisement

عمران فاروق قتل کیس : اسکاٹ لینڈ یارڈ کی ٹیم تحقیقات کے بعد واپس روانہ

اسلام آباد : اسکاٹ لینڈ یارڈ کی ٹیم پاکستان میں ڈاکٹرعمران فاروق قتل کیس اور منی لانڈرنگ کیس کی تحقیقات مکمل کرکے واپس وطن روانہ ہو گئی.

تفصیلات کے مطابق ڈاکٹرعمران فاروق قتل کیس اور منی لانڈرنگ کیس میں برطانوی تحقیقاتی ادارے اسکاٹ لینڈ یارڈ کی ٹیم نے اپنے دورہ پاکستان میں ایف آئی اے سے معلومات کا تبادلہ کیا۔

ذرائع کا کہنا ہے کہ ڈاکٹر عمران فاروق قتل کیس اور متحدہ قومی موومنٹ کی مبینہ منی لانڈرنگ کے مقدمات میں اہم پیشرفت ہوئی ہے۔

اسکاٹ لینڈ یارڈ کی ٹیم نے ایف آئی اے ہیڈ کوارٹرز اسلام آباد میں ایک گھنٹے تک عمران فاروق قتل کیس اورایم کیو ایم منی لانڈرنگ کی تفتیشی ٹیم سے ملاقات کی۔

ملاقات میں پاکستان میں گرفتار ملزمان کے اعترافی بیانات اور سرفراز مرچنٹ کے فراہم کردہ شواہد پر تبادلہ خیال کیا گیا۔

ملاقات میں ڈاکٹرعمران فاروق قتل میں ملوث ملزمان کے اعترافی بیانات کا جائزہ بھی لیا گیا۔ ایف آئی اے حکام نے سرفرازمرچنٹ کے اسکارٹ لینڈ یارڈ کو دیئے گئے بیان پر برطانوی ٹیم سے معلومات بھی حاصل کیں۔

اسکاٹ لینڈ یارڈ کی ٹیم کی پاکستان میں تحقیقات مکمل کرکے واپس وطن روانہ ہو گئی۔

ڈاکٹرعمران فاروق متحدہ قومی موومنٹ کے کنوینئر کے عہدے پر فائز تھے اور انہوں 16 ستمبر 2010 کو لندن کے علاقے گرین لینڈ ایج وئیر کے علاقے میں قتل کیا گیا تھا.

مزید پڑھیں : اسکاٹ لینڈیارڈ کی چھ رکنی ٹیم پاکستان پہنچ گئی

 

Comments

comments

یہ بھی پڑھیں