لاہور: پروفیسر ڈاکٹر محمود ایاز کا کہنا ہے کہ نواشریف کا بلڈ پریشر کنٹرول ہے، شوگر کنٹرول کر رہے ہیں، دوران علاج نوازشریف کودل کا اٹیک ہوا تھا۔

تفصیلات کے مطابق لاہور میں میڈیا سے گفتگو کرتے میڈیکل بورڈ کے سربراہ پروفیسرمحمود ایاز نے کہا کہ نوازشریف کو محدود چہل قدمی اور ورزش سمیت کھانے پینے کے حوالے سے بھی اجازت دے دی۔

انہوں نے کہا کہ نواشریف کا بلڈ پریشر کنٹرول ہے، شوگر کنٹرول کر رہے ہیں، دوران علاج نوازشریف کودل کا اٹیک ہوا تھا۔

سربراہ میڈیکل بورڈ نے کہا کہ ہم نے کچھ جینٹک ٹیسٹ تجویز کیے ہیں، خون کی بند شریانوں کے لیے بھی ٹیسٹ تجویز کیے ہیں۔انہوں نے کہا کہ ان کی تشخیص مکمل طور پر کرچکے ہیں، آئی ٹی پی کا علاج ہو رہا ہے۔

پروفیسر محمود ایاز نے کہا کہ نوازشریف کے سیکڑوں کی تعداد میں ٹیسٹ کیے ہیں، جینٹک ٹیسٹ بیرون ملک سے ہوتے ہیں۔ صحافی نے سوال کیا کہ جینٹک ٹیسٹ کے لیے مریض کو باہر جانا ہوتا ہے یا نمونے بھیجے جاتے ہیں۔ ڈاکٹر نے کہا کہ میں اس پر جواب نہیں دینا چاہتا۔

سربراہ میڈیکل بورڈ نے کہا کہ نوازشریف کے پلیٹ لیٹس 2 ہزار تک کم ہوئے تھے، نوازشریف کے پلیٹ لیٹس اتنی کم تعداد میں آنے سے مسائل پیدا ہوئے۔ انہوں نے کہا کہ محکمہ صحت نے نوازشریف کے علاج کو براہ راست دیکھا۔