The news is by your side.

Advertisement

‘ پوری کوشش ہے کورونا سےمتاثرکوئی بھی مسافر بیرون ملک نہ جائے’

اسلام آباد : وزیراعظم کے معاون خصوصی ڈاکٹر معید یوسف کا کہنا ہے کہ پوری کوشش ہے کورونا سےمتاثرکوئی بھی مسافر بیرون ملک نہ جائے، پاکستان ذمہ دار ملک ہے اپنا پورا کردار ادا کرے گا۔

تفصیلات کے مطابق وزیراعظم کے معاون خصوصی ڈاکٹر معید یوسف نے اپنے بیان میں کہا ہے کہ ہزاروں میں سے صرف برطانیہ جانیوالے 30لوگوں میں کورونامثبت آیا، برطانوی ہائی کمشنر نے خود کہا کہ یہ حکومت کامؤقف نہیں یہ اخباروں میں آیا، کوئی مسافر برطانیہ گیا ، قرنطینہ کے 7ویں دن مثبت آیا تو پاکستان کا کیا قصورہے۔

پوری کوشش ہے کورونا سےمتاثرکوئی بھی مسافر بیرون ملک نہ جائے، ہزاروں برطانوی شہری گئے ،ہمارے کتنے شہری واپس آئے، ہم تمام مسافروں کا یہاں ٹیسٹ کررہے ہیں اور اخراجات اٹھارہے ہیں۔

پاکستان ذمہ دار ملک ہے اپنا پورا کردار ادا کرے گا، مسافر جس ملک جارہاہےیا ایئرلائنز پرسفرکررہاہےاسے شرائط پر عمل کرناہوگا۔

گذشتہ روز وزیراعظم کے معاون خصوصی ڈاکٹر معید یوسف نے پاکستان سےکورونا کےکیسزدیگرممالک جانےکی تردید کرتے ہوئے کہا دیگرممالک جانے والے کورونامثبت آنیوالےمسافروں کی شرح نہ ہونےکے برابر ہے۔

معاون خصوصی کا کہنا تھا کہ کورونا کی صورتحال میں بیرون ملک جانیوالےمسافر ذمہ داری کا مظاہرہ کریں، مجبوری کی بنا پر بیرون ملک جانیوالے مسافروں کو ہی جانے کی اجازت ہے، سیر و تفریح اورگھومنے کیلئے جانیوالے مسافر بیرون ملک سفر سے گریز کریں۔

انھوں نے مزید کہا تھا کہ یہ کیسے ہوسکتاہے کسی مزدور کوچھوڑکرسیر و تفریح پرجانیوالےکوپہلےواپس لائیں، ایسی کوئی بات نہیں کہ پاکستان نے غیر ذمہ داری کا مظاہرہ کیا ہے، سمندرپار پاکستانیوں نے تحمل سے کام کیا ان کا شکریہ اداکرتاہوں ، کورونا سے دنیا متاثرہےپاکستان صورتحال سے الگ تھلگ نہیں رہ سکتا۔

Comments

یہ بھی پڑھیں