The news is by your side.

شہباز گل کی گرفتاری پر پی ٹی آئی رہنماوں کا شدید ردعمل

اسلام آباد : پاکستان تحریک انصاف کے رہنما شہباز گل کی گرفتاری پر دیگر رہنماوں نے اپنے شدید ردعمل کا اظہار کرتے ہوئے ان کی رہائی کا مطالبہ کیا ہے۔

اس حوالے سے ترجمان وزیراعلیٰ پنجاب فیاض الحسن چوہان نے کہا ہے کہ شہباز گل کی گرفتاری فسطائیت، جبرکی اعلیٰ مثال ہے، امپورٹڈ حکومت کے اوچھے ہتھکنڈے حوصلے پست نہیں کر سکتے۔

سماجی رابطے کی ویب سائٹ ٹوئٹر پر اپنے پیغام میں فیاض الحسن چوہان کا کہنا ہے کہ ایسے فاشسٹ اقدامات حکومتی بوکھلاہٹ کا اظہار ہیں۔

انہوں نے کہا کہ پی ٹی آئی کا مطالبہ ہے کہ شہباز گل کو فی الفور رہا کیا جائے، امپورٹڈ حکومت معیشت اور سیاست میں پی ٹی آئی سے شکست تسلیم کرچکی ہے۔

نشریات کی بندش: اے آر وائی کی لائیو ٹرانسمیشن یہاں دیکھیں

قومی اسمبلی کے سابق ڈپٹی اسپیکر قاسم سوری کا کہنا ہے کہ امپورٹڈ حکومت بوکھلاہٹ کا شکار ہے، اس نے ایک بار پھر بزدلانہ اقدام کیا، شہبازگل کی گاڑی پر حملہ اور زدوکوب کیا گیا، مبینہ طور پربغیر نمبر پلیٹ والی گاڑی میں اغوا کے انداز میں گرفتاری کی گئی۔

عثمان ڈار نے اپنے ٹوئٹ میں کہا کہ یہ غریب شہبازگل کا ڈرائیور ہے جو چند ہزار روپے کی نوکری کرتا تھا، ظلم کی انتہا دیکھیں غریب کے کپڑے پھاڑ کر بے انتہا تشدد کیا گیا۔

فرخ حبیب کا ٹوئٹرپیغام میں کہنا تھا کہ ظالموں اتنا ظلم کرو جتنا برداشت کرسکو، شہباز گل پر باقاعدہ حملہ کیا گیا، ساتھ میں موجود اسسٹنٹ کو بھی تشدد کانشانہ بنایا گیا۔

Comments

یہ بھی پڑھیں