لاہور : ڈاکٹر ایس ایم تراب حسین کو ایچی سن کالج کا نیا پرنسپل مقرر کردیا، سابق پرنسپل مائیکل اے تھامسن کے استعفے کے بعد تاحال پرنسپل کی سیٹ خالی تھی۔
تفصیلات کے مطابق ایچیسن کالج کے پرنسپل کے استعفے کے معاملے پر اہم پیش رفت ہوئی، ڈاکٹر ایس ایم تراب حسین کو ایچی سن کالج کا نیا پرنسپل مقرر کردیا گیا۔
گورنر پنجاب کی زیرصدارت ایچی سن کالج کے بورڈ آف گورنرز کا اجلاس ہوا، جلاس میں علی ایاز صادق، مصطفیٰ رمدے، علی پرویز اور خواجہ حسان نے شرکت کی، جس میں ڈاکٹر ایس ایم تراب حسین کی بطور پرنسپل نام کی منظوری دی گئی۔
سابق پرنسپل مائیکل اے تھامسن کے استعفے کے بعد تاحال پرنسپل ایچی سن کالج کی سیٹ خالی تھی۔
یاد رہے رواں مارچ میں پرنسپل ایچی سن کالج نے استعفیٰ دے دیا تھا، مائیکل تھامسن نے بورڈ آف گو رنر ز کے ممبران کیساتھ اختلافات کی بنیاد پر استعفیٰ دیا تھا۔
پرنسپل ایچی سن کالج ایم اےتھامس مائیکل نے اسٹاف کے نام خط بھی لکھا ، جس میں کہا گیا تھا کہ اسکول میں جانبدارنہ معاملات اور سیاسی مداخلت کی وجہ سےاستعفیٰ دیا،گورنر ہاؤس کے جانبدارانہ معاملات نے گورننس کو خراب کیا ،بعض افراد کی تعیناتی کیلئے ترجیحی سلوک پر اصرار کیا جاتا ہے۔
خط میں مزید لکھا تھا کہ سرکاری ملازمت کیلئےصائمہ احدچیمہ نےگورنرپنجاب کوپرنسپل کےفیصلےکےخلاف درخواست دی تھی،صائمہ احد چیمہ کا دو سال قبل اسلام آباد تبادلہ ہو گیا تھاصائمہ احدچیمہ نے بچوں کی سیٹ کے لیے اور بچوں کی فیس معافی کی درخواست دی تھی،پرنسپل نے صائمہ احد چیمہ کی درخواست کی منظوری نہیں دی، گورنر پنجاب نے بچوں کی تین سال کی فیس معاف کردی ،گورنر نے سکول سیٹ ریزرویشن کے حوالے سے تین سال تک فیس معافی کی پالیسی جاری کر دی۔
خط میں کہنا تھا کہ انتہائی بری گورننس کی وجہ سے میرے پاس استعفے کے علاوہ کوئی چوائس نہیں۔
