The news is by your side.

Advertisement

کورونا وائرس سے متعلق حقائق عوام سے پوشیدہ نہیں رکھ رہے، یاسمین راشد

رحیم یارخان : وزیرصحت پنجاب یاسمین راشد نے کہا ہے کہ حکومت کورونا وائرس سے متعلق کسی بھی قسم کے حقائق عوام سے پوشیدہ نہیں رکھ رہی، رحیم یارخان میں جلد لیبارٹری قائم کی جائے گی۔

ان خیالات کا اظہار انہوں نے شیخ زید میڈیکل کالج رحیم یارخان میں پریس کانفرنس سے خطاب کرتے ہوئے کیا، انہوں نے کہا کہ پوری قوم اور حکومت کو اپنے ڈاکٹرز اور پیرا میڈیکس کی خدمات پرفخر ہے، ینگ ڈاکٹرز بھی اپنی ذمہ داریاں قومی فریضہ سمجھ کر بخوبی ادا کررہے ہیں،۔

یاسمین راشد نے کہا کہ حکومت کورونا سے متعلق کسی بھی قسم کے حقائق عوام سے پوشیدہ نہیں رکھ رہی، بھارت، بنگلادیش، نیپال ودیگر ممالک سے زیادہ ٹیسٹ پاکستان میں کیے جارہے ہیں۔

کورونا ٹیسٹ کی استعداد کارمیں اضافہ کیا جارہا ہے، مجموعی طور پر 3ہزار سے زائد کورونا ٹیسٹ روزانہ کررہے ہیں جسے5ہزار تک لایا جائے گا، حکومت پنجاب نے ہیلتھ ڈیپارٹمنٹ کو14ارب روپے دیئے ہیں۔

انہوں نے کہا کہ رحیم یارخان میں بہت جلد عوام کے کورونا ٹیسٹ کیلئے لیبارٹری قائم کی جائے گی۔

واضح رہے کہ گزشتہ روز وزیر خارجہ شاہ محمود قریشی نے ملتان میں محکمہ صحت کے ناکافی اقدامات پر یاسمین راشد سے شکوہ کیا تھا جس کے بعد یاسمین راشد نے کہا تھا کہ وہ خود ملتان جاکر معاملات کا جائزہ لیں گی۔

Comments

یہ بھی پڑھیں