لاہور: وزیرصحت پنجاب ڈاکٹریاسمین راشد کا کہنا ہے کہ ہیومن ریسورسزکی ترقی صحت کے اہداف میں معاون ثابت ہوگی۔
تفصیلات کے مطابق وزیرصحت پنجاب یاسمین راشد سے عالمی ادارہ صحت کے وفد نے ملاقات کی اور محکمہ صحت پنجاب کوانسانی وسائل کی ترقی کے لیے تعاون کی پیشکش کی۔
عالمی شہرت یافتہ ڈاکٹرماریورابرٹو نے کہا کہ انسانی وسائل کی ترقی کے لیے ساتھ کام کریں گے جس پر ڈاکٹریاسمین راشد نے ڈبلیوایچ او کی جانب سے تعاون کی پیشکش کا خیرمقدم کیا۔
اس موقع پروزیرصحت پنجاب کا کہنا تھا کہ ڈبلیوایچ او پنجاب میں ایچ آرایچ آبزرویٹری قائم کرے گا، ہیلتھ ہیومن ریسورس کے لیے اسٹریٹیجک فریم ورک میں تعاون کیا جائے گا۔
ڈاکٹریاسمین راشد نے کہا کہ عالمی ادارہ صحت پہلے ہی پنجاب میں گرانقدرخدمات انجام دے رہا ہے، ہیومن ریسورسزکی ترقی صحت کے اہداف میں معاون ثابت ہوگی۔
ماریورابرٹو کا کہنا تھا کہ دیگرممالک میں ہیلتھ ہیومن ریسورسزکے فروغ کے لیے خدمات دے چکا ہوں، پنجاب میں محکمہ صحت کی ترقی کے لیے صلاحیتیں بروئے کارلاؤں گا۔
ڈاکٹر یاسمین راشد کا محکمہ صحت میں روبو کال سروس شروع کرنے کا اعلان
یاد رہے کہ گزشتہ ماہ وزیر صحت پنجاب ڈاکٹر یاسمین راشد نے محکمہ صحت میں روبوکال سروس شروع کرنے کا اعلان کیا تھا
