The news is by your side.

Advertisement

‘کوشش کی جارہی ہے کہ مقامی سطح پر این 95 ماسک خود بنائیں’

اسلام آباد : وزیر اعظم کےمعاون خصوصی ڈاکٹر ظفر مرزا کا کہنا ہے کہ کوشش کی جارہی ہے کہ مقامی سطح پر این 95 ماسک خود بنائیں اور روزکی بنیاد پر 20 ہزار ٹیسٹ کیے جائیں، ملک میں اس وقت 60 فیصد وائرس کا پھیلاؤ مقامی افراد سے ہو رہا ہے۔

تفصیلات کے مطابق وزیراعظم کےمعاون خصوصی ڈاکٹر ظفر مرزا نے پارلیمانی کمیٹی کو بریفنگ دیتے ہوئے کہا کہ ملک میں کورونا وائرس کے ٹیسٹ کی تعداد میں اضافہ ہو رہا ہے، این 95 ماسک کی فراہمی کیلئے اقدامات کر رہے ہیں۔

ڈاکٹر ظفر مرزا کا کہنا تھا کہ کوشش کی جارہی ہے کہ مقامی سطح پر این 95 ماسک خود بنائیں، این 95 اور میڈیکل کٹس کی مقامی طور پر تیاری کرنا شروع کر دیں گے۔

معاون خصوصی نے کہا کہ اسپتالوں میں کام کرنےوالےڈاکٹروں کےلیےاین 95 ماسک لازمی قراردے دیا ، ڈاکٹروں کو حفاظتی سامان کی فراہم کیلئے مزید اقدامات کر رہے ہیں۔

ان کا کہنا تھا کہ قومی اور صوبائی سطح پر لاک ڈاون کی وجہ سےوائرس کےپھیلاؤمیں کمی آئی ، اب تک ملک بھر میں ایک لاکھ پانچ ہزار ٹیسٹ کیے ہیں ، کوشش ہےروزکی بنیاد پر 20 ہزار ٹیسٹ کیے جائیں۔

ڈاکٹر ظفر مرزا نے کہا کہ اب ملک میں وائرس مقامی افراد سے پھیل رہا ہے ، اس وقت 60 فیصد وائرس کا پھیلاو مقامی افراد سے ہو رہا ہے، بیرون ملک سےآنے والوں کےعلاوہ مقامی افراد کا بھی ٹیسٹ کیا جارہا ہے۔

معاون خصوصی نے مزید بتایا کہ اس وقت ملک میں کوروناکے8ہزار رجسٹر کیس ہیں ، ٹریکنگ ٹیسٹ لانے کے لیے حکمت عملی تیار کر لی ہے۔

Comments

یہ بھی پڑھیں