The news is by your side.

Advertisement

دلہن کو مٹھائی کھلانے کی ڈرامائی ویڈیو وائرل

نئی دہلی : شادی کی تقریب کے دوران دلہن کو زبردستی مٹھائی کھلانے کی ویڈیو نے انٹرنیٹ پر دھوم مچادی، صارفین نے دلہا کی حرکت کو تشدد قرار دے دیا۔

بھارت میں ہونے والی شادی بیاہ کی تقریبات کے دوران پیش آئے دلچسپ، ڈرامائی اور پُرمزاح واقعات کی ویڈیوز ان دنوں انٹرنیٹ پر کچھ زیادہ ہی وائرل ہورہی ہیں، جسے دیکھ کر صارفین خوب محظوظ ہورہے ہیں۔

انہیں ویڈیوز کے دوران ایک ایسی ویڈیو بھی سوشل میڈیا پر وائرل ہوئی ہے جسے دیکھ کر صارفین دنگ رہ گئے، جس میں اسٹیج پر موجود دلہا دلہن کو ایک دوسرے کو مٹھائی کھلاتے دیکھا جاسکتا ہے۔

ویڈیو میں نظر آرہا ہے کہ پہلے دلہن نے ایک مٹھائی دلہا کو کھلائی جسے وہ آرام سے کھاگیا، پھر دلہا نے دلہن کو مٹھائی کھلانا چاہی تو دلہن نے ذرا نخرے دکھاتے ہوئے منہ دوسری جانب گھمانے کی کوشش کی، جس پر دلہا نے نئی نویلی دلہن کو گردن سے پکڑ کر منہ اپنی جانب کیا اور مٹھائی زبردستی منہ میں ٹھونس دی۔

جب دلہا نے زبردستی مٹھائی منہ میں ٹھونسی تو اردگرد دلہا دلہن کے اہل خانہ بھی موجود تھے لیکن کسی دلہا کی حیران کن حرکت پر کوئی ردعمل نہیں دیا اور مسکراہتے رہے۔

مذکورہ ویڈیو شادی بیاہ کی مزاحیہ ویڈیو شیئر کرنے والے صارف نیرنجن نے اپنے انسٹاگرام سے مزاحیہ میوزک کے ساتھ شیئر کی۔

یہ بھی پڑھیں : خطرناک ہتھیاروں سے کرتب دکھاتی دلہن کی ویڈیو وائرل

مزید پڑھیں : دلہا کے نخرے دیکھ کر دلہن طیش میں آگئی، دلچسپ ویڈیو وائرل

دلہا کے زبردستی کی ویڈیو دیکھ کر انٹرنیٹ صارفین دنگ رہ گئے، اور انہوں نے دلہن کے ساتھ اپنائے گئے دلہا کے رویے کو جارحانہ قرار دیا۔

ایک صارف نے کمنٹ کیا کہ ‘یہ کوئی مذاق نہیں بلکہ تشدد ہے، یہ اشارہ ہے کہ مستقبل میں دلہن کے کیا ہوسکتا ہے، مجھے حیرت ہے کہ دلہن کے اہل خانہ کیسے اجازت دے دی’۔

ایک اور صارف نے کہا کہ ‘آج یہ حال ہے۔۔۔۔ بیچاری لڑکی’ جب کہ ایک اور صارف کا کہنا تھا کہ ‘یہ پُرتشدد رویہ ہے’۔

Comments

یہ بھی پڑھیں