افریقی ملک کانگو میں ایبولا وائرس تیزی سے پھیلنے لگا، 66 افراد ہلاک: Ebola
The news is by your side.

Advertisement

افریقی ملک کانگو میں ایبولا وائرس تیزی سے پھیلنے لگا، 66 افراد ہلاک

برازاویل: افریقی ملک کانگو میں ایبولا وائرس تیزی سے پھیل رہا ہے جس کے نتیجے میں اب تک 66 افراد ہلاک ہوچکے ہیں۔

تفصیلات کے مطابق کانگو کے دو مختلف صوبوں سے تقریبا 105 کیسز ایبولا وائرس کے سامنے آئے ہیں، جبکہ مذکورہ وائرس تیزی سے ملک کے مختلف حصوں میں پھیل رہا ہے جس کے باعث ہلاکتیں ہورہی ہیں۔

غیر ملکی خبر رساں ادارے کے مطابق مشرقی کانگو میں طبی حکام کا کہنا ہے کہ ایبولا وائرس سے ہلاکتوں کی تعداد 66 ہو گئی ہے اور متاثرہ علاقوں میں یہ وائرس تیزی سے پھیل رہا ہے۔

ماہرین نے ایبولا وائرس کی تشخیص 15 منٹ میں ممکن بنا دی

وزارت صحت کی جانب سے جاری کردہ بیان میں کہا گیا ہے کہ ایک اگست سے لے کر اب تک دو متاثرہ صوبوں میں ایبولا کے ایک سو پانچ کیسز سامنے آئے ہیں جن میں سے تحقیق کے بعد کئی مثبت قرار پائے تھے۔

خیال رہے کہ کانگو میں پہلی بار اس وائرس کا پتہ 1970 کی دہائی میں چلا تھا اور تب اس انتہائی ہلاکت خیز وائرس کو مشرقی کانگو میں دریائے ایبولا کی نسبت سے اس کا نام دے دیا گیا تھا۔

واضح رہے کہ ایبولا وائرس انسانوں اور جانوروں میں پایا جانے والا ایک ایسا مرض ہے جس کے شکار افراد میں دو سے تین ہفتے تک بخار، گلے میں درد، پٹھوں میں درد اور سردرد جیسی علامات ظاہر ہوتی ہیں جو بعد ازاں موت کا سبب بھی بن سکتی ہیں۔

Comments

comments

یہ بھی پڑھیں