کراچی: پاکستان سپر لیگ (پی ایس ایل )سیزن فائیو کی ڈریم ٹیم کو شائقین کرکٹ نے مسترد کردیا۔
اے آر وائی نیوز کی رپورٹ کے مطابق پاکستان سپر لیگ سیزن فائیو کی ڈریم ٹیم متنازع بن گئی، شائقین کرکٹ کا کہنا ہے کہ گروپ مرحلے میں ٹاپ پر رہنے والی ملتان سلطانز کا کوئی کھلاڑی ٹیم کا حصہ نہیں۔
شائقین کرکٹ کا کہنا ہے کہ چیمپئن کپتان عماد وسیم کو قیادت نہیں دی گئی، قیادت بھی ناکام رہنے والی اسلام آباد یونائیٹڈ کے شاداب خان کو دے دی گئی۔
ناراض شائقین کا کہنا ہے کہ عماد وسیم نے کراچی کنگز کو چیمپئن بنایا، کوالیفائر سمیت متعدد میچ جیتے لیکن ڈریم ٹیم کی کپتانی آخری نمبر پر رہنے والی اسلام آباد یونائیٹڈ کے شاداب خان کو دی گئی۔
واضح رہے کہ پی ایس ایل فائیو کی ڈریم ٹیم میں لاہور قلندرز کے 6، کراچی کنگز کے 3، کوئٹہ گلیڈی ایٹر، اسلام آباد یونائیٹڈ اور پشاور زلمی کا ایک، ایک کھلاڑی شامل ہے۔
🥁 HBLPSLV TEAM OF THE TOURNAMENT
Who did we miss? Who are you most excited to see here? Let us know!#HBLPSLV #PhirSeTayyarHain
More: https://t.co/UWB677Z3rT pic.twitter.com/6kDJYP4Oxv
— PakistanSuperLeague (@thePSLt20) November 18, 2020
ڈریم ٹیم میں گروپ مرحلے میں ٹاپ پر رہنے والی ملتان سلطانز کا ایک بھی کھلاڑی شامل نہیں، ملتان سلطانز کے فاسٹ بولر سہیل تنویر 14 وکٹوں کے ساتھ تیسرے بہترین بولر رہے لیکن انہیں ٹیم میں شامل نہیں کیا گیا۔
ملتان سلطانز کے رائلی روسو نے سیزن فائیو میں پی ایس ایل کی تیز ترین سنچری بنائی لیکن وہ بھی ٹیم کا حصہ نہیں۔
یاد رہے کہ گزشتہ روز پی ایس ایل فائیو کی ڈریم ٹیم کا اعلان کیا گیا تھا، ڈریم ٹیم کو بازید خان، رمیز راجہ، عروج ممتاز اور ندیم خان پر مشتمل چار رکنی جیوری نے منتخب کیا۔