لاہور: وزیراعلیٰ پنجاب مریم نواز کا کہنا ہے کہ پنجاب کو معاشی حب بنانا میرا خواب ہے۔
اے آر وائی نیوز کے مطابق وزیر اعلیٰ پنجاب مریم نواز نے میڈیا سے غیررسمی گفتگو کرتے ہوئے کہا کہ میری اپنی کابینہ سے بہت توقعات ہیں، کابینہ میں اہل لوگوں کو شامل کیا ہے۔
انہوں نے کہا کہ کابینہ میں فارن کوالیفائیڈ، کچھ تجربہ کار لوگ شامل کئے ہیں ان شا اللہ دل سے عوام کی خدمت کریں گے۔
مریم نواز نے کہا کہ پنجاب میں بیرونی سرمایہ کاری کے لئے پورا پیکج بنا رہی ہوں، بیرونی سرمایہ کاروں کو ایک چھت تلے سہولتیں دیں گے۔
وزیر اعلیٰ پنجاب نے کہا کہ بیرونی سرمایہ کاروں کو ٹیکس فری زون بنا کردیں گے، سرمایہ کاروں کے لئے پنجاب کو معاشی حب بنائیں گے۔
انہوں نے کہا کہ یہ میرا خواب ہے جسے ہر صورت پورا کریں گے۔
