غیر متحرک طرز زندگی موٹاپے کا سبب بنتا ہے جس میں اضافہ ہوتا ہی جاتا ہے، اکثر دیکھا گیا ہے کہ کم کھانا بھی موٹاپا کم کرنے کے لیے معاون ثابت نہیں ہوتا۔
آج یہاں وزن کم کرنے کا ایک آسان طریقہ بتایا جارہا ہے جس کے لیے آپ کو ڈائٹنگ کی ضرورت نہیں بلکہ ان صحت بخش مشروبات کو اپنی غذا کا حصہ بنائیں اور اپنا وزن گھٹائیں۔
سیب کا سرکہ اور شہد کا مشروب
پانی: 1 گلاس
سیب کا سرکہ: 1 کھانے کا چمچ
شہد: 1 کھانے کا چمچ
لیموں کا رس: 1 چائے کا چمچ
پانی میں تمام اجزا کو اچھی طرح سے ملائیں اور پی لیں یہ وزن کم کرنے کے ساتھ صحت کے لیے بھی بہت مفید ہے۔
زیرہ اور دار چینی کا مشروب
پانی: 2 گلاس
زیرہ: 1 چائے کے چمچ
دارچینی: 1 انچ کا ٹکڑا
لیموں کا رس: 1 چائے کا چمچ
شہد: 1 چائے کا چمچ
2 گلاس پانی میں زیرہ اور دار چینی ڈال کر ابالنے کے لیے چولھے پر رکھ دیں، اسے اتنا ابالیں کہ ان دونوں اجزا کا عرق اچھی طرح پانی میں شامل ہو جائے اور اس کا رنگ تبدیل ہوجائے۔
اب اسے چھان لیں، اس کا ایک گلاس پانی لے کر اس میں لیموں کا رس اور شہد ملا کر استعمال کریں۔ یہ نہ صرف وزن کم کرے گا بلکہ جسم کے فاسد مادوں سے بھی نجات دے گا۔
