The news is by your side.

Advertisement

کراچی، ڈرائیو تھرو، گاڑی میں بیٹھے کرونا ٹیسٹ کی سہولت متعارف

کراچی: سندھ حکومت کی جانب سے کراچی میں پہلا ڈرائیو تھرو کرونا ٹیسٹ سینٹر قائم کردیا گیا۔

تفصیلات کے مطابق وزیر بلدیات سندھ ناصر حسین شاہ نے ڈرائیو تھرو کرونا ٹیسٹ سینٹر کا دورہ کیا، انہوں نے کہا کہ ٹیسٹ سینٹر میں گاڑی بیٹھے کرونا وائرس کے مریض کا ٹیسٹ لیا جائے گا۔

وزیر بلدیات سندھ کے مطابق ڈرائیو تھرو ٹیسٹ کے لیے ڈپٹی کمشنر ساؤتھ کی ہیلپ لائن پر فون کریں، ہیلپ لائن پر ٹیسٹ کے لیے وقت اور کوڈ فراہم کیا جائے گا۔

ناصر حسین شاہ کا کہنا ہے کہ ڈرائیو تھرو ٹیسٹ سے ڈاکٹرز اور لوگ دونوں کی حفاظت ہوگی، ڈرائیو تھرو ٹیسٹ سینٹر میں خصوصی ایکسرے مشین بھی لگائی گئی ہے۔

مزید پڑھیں: کراچی، کرونا کا ایک اور مریض جاں بحق، سندھ میں اموات 8 ہوگئیں

رپورٹ کے مطابق ڈرائیو تھرو سینٹر میں وزیر بلدیات سندھ ناصر شاہ نے ٹیسٹ کرایا ان کے ٹیسٹ کی رپورٹ منفی آئی ہے۔

واضح رہے کہ آج کراچی میں کرونا وائرس سے جاں بحق ہونے والے مریضوں کی تعداد 2 ہوگئی ہے، گذشتہ روز کراچی میں کرونا وائرس کے باعث 3 افراد جان کی بازی ہار گئے تھے۔

خیال رہے کہ نیشنل کمانڈ اینڈ کنٹرول سینٹر کے مطابق ملک بھر میں کرونا وائرس کے مریضوں کی تعداد بڑھ کر 1865 ہو گئی ہے، جب کہ وائرس سے اموات 26 تک پہنچ گئیں۔

fb-share-icon0
Tweet 20

Comments

comments

یہ بھی پڑھیں