The news is by your side.

ڈرائیور کی غلطی سے نئی گاڑی تباہ

ڈرائیور کو اچھی طرح یہ معلوم ہوتا ہے کہ بریک پیدل اور ایکسریلیٹر پیدل کس طرف ہے اگر غلطی سے بریک کی بجائے ایکسلیٹر پر پیر رکھ دیا جائے تو گاڑی کے ساتھ ساتھ کسی دوسرے شخص کو بھی نقصان پہنچ سکتا ہے۔

ایسی ہی ایک ویڈیو سوشل میڈیا پر وائرل ہورہی ہے انگلینڈ میں ڈرائیور نے نئی مرسڈیز گاڑی چلانے کے دوران غلطی سے بریک کی بجائے ایکسریلیٹر پر پیر رکھ دیا، اس کی اس غلطی کی وجہ سے 24 لاکھ مالیت کی آٹو میٹک گاڑی کوڑے کے ڈبے پر چڑھ گئی۔

کار کی تصویر سوشل میڈیا پر وائرل ہوگئی جس میں دیکھا جاسکتا ہے کہ گاڑی ڈرائیور کے ریورس کرنے کے دوران ڈسٹ بین پر چڑھی ہوئی ہے۔

پولیس کے مطابق کار ڈرائیور نے یہ گاڑی حال ہی میں خریدی تھی، نوجوان کی اس غلطی پر سوشل میڈیا صارفین کی اس پر طنز کیا۔

ایک صارف نے طنز کرتے ہوئے لکھا کہ ’اس کی پارکنگ کوڑا کرکٹ میں ہے۔‘ ایک اور صارف نے لکھا کہ ’کیا آپ نے ڈرائیور سے پوچھا کہ ان کے پاس ڈبہ کہاں سے آیا۔‘

اسی طرح کا ایک واقعہ امریکا کی ریاست انڈیانا میں پیش آیا تھا جہاں ڈرائیور نے غلطی سے گاڑی دوسری گاڑی پر چڑھا دی تھی، حادثے میں خوش قسمتی سے کوئی جانی نقصان نہیں ہوا تھا۔

Comments

یہ بھی پڑھیں