قطیف: سعودی عرب میں پولیس نے اسکول بس کو اوور ٹیک کرنے والے کار ڈرائیور کو گرفتار کر کے بھاری جرمانہ عائد کر دیا۔
میڈیا رپورٹس کے مطابق قطیف میں ایک کار ڈرائیور کی اسکول بس کو اوور ٹیک کرنے کی ویڈیو سوشل میڈٰیا پر گردش کر رہی ہے۔
ویڈیو میں دیکھا جا سکتا ہے کہ بس ڈرائیور طالب علم کو سڑک پار کروا رہا ہے کہ اسی دوران پیچھے سے آنے والی کار تیز رفتاری کے ساتھ پاس سے گزرتی ہے۔ اگر ڈرائیور طالب علم کو ہاتھ پکڑ کر پیچھے نہ کھینچتا تو نہ خوشگوار واقعہ پیش آ سکتا تھا۔
پولیس نے ڈرائیور کی شناخت کرنے کے بعد اسے گرفتار کیا اور اس پر 6 ہزار سعودی ریال جرمانہ عائد کر دیا۔
https://twitter.com/Ruh_Rd/status/1572012295273807873?s=20&t=skkSs_jCoqqHNV3L0eCnUg
واضح رہے کہ سعودی محکمہ ٹریفک نے ڈھلوان، چڑھائی، چوراہوں اور پھسلن والی سڑکوں سمیت آٹھ حالتوں میں گاڑی اوور ٹیک کرنے کو ممنوع قرار دے رکھا ہے۔ اگر غبار یا بارش کی وجہ سے سڑک کا منظر صاف نظر نہ آ رہا ہو تو اوور ٹیک کرنا غیرقانونی ہے۔
محکمہ ٹریفک کے مطابق اگر سامنے سے دوسری گاڑیاں آ رہی ہو اور محفوظ اوور ٹیک کا موقع نہ ملے تو بھی اوور ٹیک کرنا جائز نہیں ہے۔ جب پیچھے والی گاڑی اوور ٹیک کا عمل شروع کر چکی ہو تو ایسی حالت میں بھی اوور ٹیک کرنا مناسب نہیں ہے۔
