سنگاپور میں شوہر کی جانب سے بیوی کو منشیات اسمگلنگ کیس میں پھنسانے کی کوشش میں لینے کے دینے پڑ گئے، عدالت نے ملزم کو 4 سال قید کی سزا کا حکم سنا دیا۔
بین الاقوامی خبر رساں ادارے کی رپورٹ کے مطابق سنگاپور سے تعلق رکھنے والے 37 سالہ تان شیانگ لونگ نے ایسا اس لیے کیا کہ سنگاپور میں 500 گرام سے زیادہ چرس اسمگلنگ کے جرم میں موت کی سزا دی جاتی ہے۔
ملزم نے اپنی بیوی کی گاڑی میں بھنگ چھپادی تاکہ منشیات اسمگلنگ کیس میں اسے موت کی سزا ہوجائے اور اس کی جان چھوٹ جائے۔
رپورٹس کے مطابق خاتون کے شوہر کی شادی کے ایک سال بعد ہی بیوی سے علیحدگی ہو گئی تھی اور اس کی خواہش تھی کہ بیوی سے طلاق ہوجائے، مگر طلاق کیلیے 3 سالہ مدت پوری کرنا تھی۔
ملزم نے اپنی بیوی کی گاڑی میں چرس رکھنے کے جرم کا اعتراف کیا، جو کلاس اے کی ایک ممنوعہ چیز ہے، تان کو 29 اگست کو تین سال اور دس ماہ قید کی سزا سنائی گئی۔
جرمنی نے افغان باشندوں کو ڈی پورٹ کردیا
جھوٹی گواہی کے ایک اور جرم کو اس کی سزا میں شامل کیا گیا ہے۔
