The news is by your side.

Advertisement

اسلام آباد : منشیات کی اسمگلنگ کی کوشش ناکام، مسافر رنگے ہاتھوں گرفتار

کراچی : پاکستان سے بھاری مقدار میں منشیات بحرین اسمگل کرنے کی کوشش کو ناکام بنادیا گیا، ملزم نے انتہائی چالاکی اور مہارت سے منشیات کو چھپایا ہوا تھا۔

تفصیلات کے مطابق اے ایس ایف کے عملے نے اسلام آباد ایئرپورٹ پر کامیاب کارروائی کرتے ہوئے منشیات کی بحرین اسمگلنگ کی کوشش ناکام بنادی اور مسافر کو حراست میں لے لیا گیا۔

اس حوالے سے ذرائع کا کہنا ہے کہ حضرت بلال نامی مسافر غیرملکی ایئرلائن کی پرواز کے ذریعے اسلام آباد سے بحرین جارہا تھا۔

اے ایس ایف کے عملے نے بحرین جانے والے مسافر کے بیگ کی تلاشی لی تو اس میں سے524گرام ہیروئن برآمد ہوئی،

برآمد کی جانے والی ہیروئن ٹرالی بیگ کے اندر شیمپو کی بوتل میں 65 کیپسولز کی صورت میں مہارت سے چھپا کر رکھی گئی تھی۔

ترجمان اے ایس ایف کا کہنا ہے کہ ملزم حضرت بلال کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کر دیا گیا ہے۔

واضح رہے کہ کچھ ماہ قبل بھی پاکستان کسٹمز نے کارروائی کرتے ہوئے گوادر کے کھلے سمندر میں غیر ملکی شراب پکڑی تھی، برآمد شدہ شراب کی قیمت 7 کروڑ روپے تھی۔

کسٹم حکام کا کہنا تھا کہ لسبیلہ ساحلی علاقے وندر ڈام کے کھلے سمندر میں کشتی سے 4 ہزار 600 غیرملکی شراب کی بوتلیں برآمد کی گئیں جبکہ کارروائی میں پانچ اسمگلرز بھی گرفتار کرلیے گئے ہیں۔

 

Comments

یہ بھی پڑھیں