انسداد منشیات فورس (اےاین ایف) نے بحیرہ عرب میں بڑا آپریشن کرتے ہوئے 3 ارب سے زائد مالیت کی منشیات برآمد کر لی۔
ترجمان اے این ایف کے مطابق پاک بحریہ اور میری ٹائم سیکیورٹی ایجنسی کےساتھ مشترکہ کارروائی کی گئی۔ سی فرنٹ ٹاسک فورس معمول کے گشت پر تھی کہ اس دوران مشکوک کشتی کو روکا گیا جس میں منشیات کی بھاری مقدار موجود تھی۔
ترجمان نے کہا کہ تقریباً 1500 کلو چرس، کرسٹل، آئس، براؤن ہیروئن برآمد کی گئی ہے منشیات کو بین الاقوامی منڈیوں کیلئےاسمگل کیا جا رہا تھا۔
- Advertisement -
ترجمان کا کہنا تھا کہ آپریشن اے این ایف، نیوی اور پی ایم ایس اے میں انٹیلی جنس شیئرنگ کا نتیجہ ہے۔
