فیصل آباد : بوڑھے شخص سے زبردستی شادی کروانے پر کمسن بچی گھرسے بھاگ گئی تاہم پولیس نے بروقت کارروائی کرتے ہوئے بچی کو تحویل میں لے لیا۔
تفصیلات کے مطابق فیصل آباد میں نشئی والد نے کمسن بچی کی بوڑھے شخص سے زبردستی شادی کروانے کی کوشش کی۔
سیف سٹیز ترجمان نے بتایا کہ بچی زبردستی کی شادی سے بچنے کیلئے سمن آباد میں اپنے گھر سے بھاگی، شہری نے ورچوئل چائلڈ سیفٹی سینٹرمیں بچی کے ملنے کی اطلاع دی۔
جس پر پولیس نے بروقت کارروائی کرتے ہوئے بچی کوتحویل میں لیا اور بچی کی شکایت پر پولیس نےوالدین سےرابطہ کیا۔
والدین کی جانب سےمعافی مانگنےاورآئندہ ایسانہ کرنےکی یقین دہانی کرائی گئی ، جس کے بعد پولیس نے والدین سے تحریری ضمانت لیکربچی کو ساتھ لے جانے دیا۔
