بنگلور: گلی میں گھومتے بندر نے بار میں داخل ہوکر شراب پی اور نشہ غالب آنے پر اپنے ہوش و حواس کھو کر خوب تباہی مچائی۔
ہندوستان ٹائمز کی جانب سے شیئر کی جانے والی ویڈیو کے مطابق بنگلور کی گلی میں گھومتا ایک بندر گزشتہ رات شراب خانے (بار) میں داخل ہوا اور اُس نے بوتل گرا کر خوب شراب پی۔
بندر نے شراب نوشی تو کرلی مگر جب اُس پر خمار طاری ہوا تو اُس نے خوب غل غپاڑہ کیا اور لوگوں پر غصہ بھی نکالا، بار سے باہر نکل کر بندر گلی میں بیٹھ گیا اور خوب سیر ہوکر پھل کھائے۔
مزید پڑھیں: بھارتی جنگل میں بندروں کے ساتھ رہنے والی لڑکی
یہ بھی پڑھیں: بھارت: 12 بندر ہارٹ اٹیک سے ہلاک
ویڈیو میں دیکھا جاسکتا ہے کہ جب ایک شخص نے اُس کو کیلا دینے کی کوشش کی تو بندر نے غصہ کیا اور اُسے پنجا بھی مارا، آخر میں شراب کے نشے میں چور بندر فٹ پاتھ پر سوئے نوجوان کے پاس آیا اور اُس سے لپٹ کر سوگیا۔
واضح رہے کہ بھارت میں بندروں کی بڑی تعداد سڑکوں پر گشت کرتی نظر آتی ہے، اکثر اوقات بندروں کی لڑائی اس قدر شدید ہوتی ہے کہ مقامی باشندوں کو بھی اس کا خمیازہ بھگتنا پڑتا ہے۔
ویڈیو دیکھیں
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔