دستر خوان کو متنوع اور صحت مند ڈشز سے سجانا نہ صرف کھانے میں دلچسپی پیدا کرتا ہے بلکہ صحت مند غذا بھی فراہم کرتا ہے۔
اے آر وائی ڈیجیٹل کے مارننگ شو گڈ مارننگ پاکستان میں چکن ڈرائی چلی بنانے کی نہایت آسان ترکیب بتائی گئی جو آپ گھر پر بھی آزما سکتے ہیں۔
اجزا
چکن (بون لیس): آدھا کلو
نمک: ڈیڑھ چائے کا چمچ
سویا سوس: 2 کھانے کے چمچ
چینی: 2چائے کے چمچ
کارن فلور: 2 کھانے کے چمچ
انڈا پھینٹا ہوا: آدھا
تیل: ڈیپ فرائنگ کے لیے
تیل: 1 چوتھائی کپ
ادرک: 1 کھانے کا چمچ
لہسن: 1 کھانے کا چمچ
پیاز: 2 عدد
ہری مرچ: 6 سے 8 عدد
شملہ مرچ: 1 عدد
ترکیب
چکن کو 1 چائے کا چمچ نمک، 1 کھانے کا چمچ سویا سوس، 1 چائے کا چمچ چینی، کارن فلور اور انڈے سے پندرہ منٹ تک میری نیٹ کرلیں۔
اب انہیں پانچ منٹ کے لیے ڈیپ فرائی کریں اور نکال لیں۔
ایک پین میں ایک چوتھائی کپ تیل گرم کر کے اس میں ادرک اور لہسن ڈال کر براؤن کرلیں۔
اب اس میں فرائی کی ہوئی چکن کے ساتھ پیاز، ہری مرچ، آدھا چائے کا چمچ نمک، ایک چائے کا چمچ چینی، ایک کھانے کا چمچ سویا سوس اور شملہ مرچ ڈال کر دو منٹ پکائیں اور اچھی طرح مکس کر کے نکال لیں۔
ڈرائی چکن چلی تیار ہے۔
