The news is by your side.

Advertisement

لاہور : 14 سالہ لڑکی سے مبینہ زیادتی کیس میں ڈی ایس پی کی ضمانت منظور

لاہور: مقامی عدالت نے 14 سالہ لڑکی سے مبینہ زیادتی کیس میں ڈی ایس پی عمران بابر کی ضمانت منظور کرلی،عدالت نے رہائی کا حکم دے دیا.

تفصیلات کے مطابق ڈی ایس پی عمران بابرجمیل کو 5 مئی کو 14 سالہ لڑکی سے مبینہ زیادتی کے الزام میں گرفتار کرکے سات روزہ ریمانڈ پر جیل بھیج دیا گیا تھا،جبکہ عمران بابر کا کہنا تھا اس کے خلاف سازش کی گئی ہے.

جمعرات کے روز عمران بابر عدالت میں پیش ہوا، اس کا کہنا تھا کہ اس کے لڑکی کے خاندان کے ساتھ معاملات طے ہوگئے ہیں، لہذا عدالت ضمانت کی درخواست قبول کر کے رہائی کاحکم دے.

عدالت نے عمران بابر کو ایک لاکھ روپے کے مچلکے جمع کروانے پر رہائی کا حکم دے دیا.

یاد رہے عمران جمیل بابر کو آئی جی پنجاب پولیس مشتاق سکھیرا نے 20 فروری کو معطل کرکے تحقیقات کا حکم دیا تھا، گرفتاری کے بعد پنجاب حکومت کوشدید تنقید کا نشانہ بنایاگیا تھا.

Comments

comments

یہ بھی پڑھیں