ابوظبی: امارات ایئر (ایمریٹس) نے مسسافروں کی سہولت کے لیے ٹکٹ خریدنے کے لیے ادائیگی کا آسان حل متعارف کروادیا۔
عرب میڈیا کے مطابق امارات ایئر نے مسافروں کو ٹکٹ خریدنے کے لیے ادائیگی کا آسان طریقہ متعارف کروایا ہے جس کے تحت مسافر اب ’ایمریٹس پے‘ سے ٹکٹوں کی قیمت آسانی سے ادا کرسکیں گے۔
دبئی میڈیا کی سرکاری ویب سائٹ کے مطابق یہ سہولت جرمنی اور برطانیہ میں فراہم کی گئی ہے، ایمریٹس ڈاٹ کام کے ذریعے ٹکٹ خریدے جاسکیں گے۔
امارات ایئر نے ٹکٹوں کی رقم کی ادائیگی کا نیا طریقہ کار جاری کرکے دنیا بھر میں اس حوالے سے پہلی فضائی کمپنی ہونے کا اعزاز حاصل کرلیا۔
Introducing Emirates Pay, a new industry payment solution in partnership with @DeutscheBank for purchasing air tickets. Emirates Pay is now available for Emirates customers in Germany and the UK who are purchasing tickets via the Emirates website. https://t.co/ECiUYYyJUt pic.twitter.com/V4jmZoqWka
— Emirates Airline (@emirates) July 5, 2021
امارات ایئر نے ایاٹا اور ڈوئچے بینک کے تعاون سے یہ سہولت متعارف کروائی ہے۔
ایمریٹس میں مالیاتی امور کے انچارج مائیکل ڈور سام نے کہا کہ ہمارے لیے خوشی کی بات ہے کہ کمپنی نے مسافروں کو یہ سہولت فراہم کی ہے۔
انہوں نے بتایا کہ نئی اور محفوظ سہولت سے وہ افراد بھی استفادہ کرسکتے ہیں جو عام طور پر کریڈٹ کارڈ استعمال نہیں کرتے اور وہ مسافر بھی فائد اٹھا سکتے ہیں جو براہ راست ادائیگی کرتے ہیں۔
