The news is by your side.

Advertisement

دبئی کے ولی عہد نے سورج گرہن کی ویڈیو شیئر کردی

دبئی کے ولی عہد اور  محمد راشد اسپیس سینٹر کے چیئرمین شیخ ہمدان بن  محمد بن راشد المکتوم نے سورج گرہن کی ویڈیو سماجی رابطے کی ویب سائٹ انسٹاگرام پر شیئر کردی۔

دنیا بھر میں آج سال کا آخری اور طاقتور ترین سورج گرہن دیکھا گیا، دبئی میں 172 برس بعد سورج کو اس انداز سے گرہن لگا کہ دن کے وقت میں بالکل اندھیرا چھا گیا۔

دبئی کے شہزادے اور ولی عہد شیخ ہمدان نے سورج کو گرہن لگنے کی ویڈیو اور تصاویر اپنے سماجی رابطے کی ویب سائٹ انسٹاگرام پر شیئر کردیں جنہیں صارفین نے پسند کیا۔

View this post on Instagram

Ring of Fire #Annular #SolarEclipse حلقة النار #الكسوف_الحلقي

A post shared by Fazza (@faz3) on

ایشیا سمیت دنیا کے مختلف ممالک میں ہونے والے سورج گرہن کو ’رنگ آف فائر‘ کا نام دیا گیا تھا، رپورٹ کے مطابق متحدہ عرب امارات سے اس سے قبل 1847 میں اس انداز سے سورج کو گرہن لگا تھا۔

شیخ ہمدان کے انسٹاگرام اکاؤنٹ پر 22 سیکنڈ کا ویڈیو کلپ شیئر کیا گیا جس میں گرہن لگنے اور اندھیرا ہونے کا منظر ریکارڈ کیا گیا۔

علاوہ ازیں دبئی کے ولی عہد نے انسٹاگرام پر سورج گرہن کی تصاویر بھی شیئر کیں انہوں نے لکھا کہ دبئی کے شہری 172 سال بعد ایسا منظر دیکھ رہے ہیں اور اب اس طرح سورج کو گرہن 83 سال بعد لگے گا۔

Comments

یہ بھی پڑھیں