دبئی: بھارتی مسلمان نے لاکھوں درہم سے بھرا بیگ مالک کو واپس کر کے دیانت داری کی نئی مثال قائم کر دی۔
تفصیلات کے مطابق دبئی میں مقیم بھارتی شہری طارق محمود خالد محمود نے دیانت داری کی مثال قائم کرتے ہوئے خطیر رقم والا بیگ مالک کو لوٹا دیا۔
رپورٹس کے مطابق بھارتی شہری کو رہائشی عمارت کی لفٹ میں ایک بیگ ملا جس میں دس لاکھ درہم تھے، انھوں نے بیگ اٹھایا اور پولیس کے حوالے کر دیا۔
الامارات الیوم کے مطابق البرشا پولیس اسٹیشن کے ڈائریکٹر بریگیڈیئر عبدالرحیم بن شفیع نے بتایا کہ انڈین شہری طارق محمود رقم کا بیگ لے کر پولیس اسٹیشن پہنچا اور پولیس حکام کے حوالے کر دیا۔
#News | Dubai Police Honours Man for Returning AED 1,000,000
Details:https://t.co/HQgOPCTW75#YourSecurityOurHappiness#SmartSecureTogether pic.twitter.com/JVWF2qW7Lm
— Dubai Policeشرطة دبي (@DubaiPoliceHQ) June 5, 2022
بریگیڈیئر عبدالرحیم نے بھارتی شہری کی ایمان داری پر اس کے اعزاز میں تقریب کا انعقاد کیا، البرشا پولیس اسٹیشن کے ڈائریکٹر نے کہا کہ طارق محمود نے جو کچھ کیا وہ متحدہ عرب امارات کے اس معاشرے کی قدروں کا خوب صورت اظہار تھا جس کا وہ خود بھی ایک حصہ ہے۔
انھوں نے کہا کہ بھارتی شہری کے اعزاز میں تقریب کا انعقاد یہ پیغام ہے کہ دبئی کی سرزمین پر موجود ہر فرد یہاں امن و امان کے تحفظ کے حوالے سے اپنے کردار کا پابند ہے۔
