دبئی : متحدہ عرب امارات میں ترقی کے مواقع اور بہترین رہائشی سہولیات کے باعث ملازمین کی جنت بن چکا ہے جہاں ملازمت کے لیے دنیا بھر سے لوگ کھینچے چلے آتے ہیں۔
یوں تو متحدہ عرب امارات کے دیگر شہر جیسے شارجہ اور ابو ظہبی بھی بیرون ملک سے آنے والے ملازمین کی پسندیدہ جگہ ہیں لیکن ملازمین کی جنت ہونے کا اعزاز دبئی کے حصے میں آیا ہے جہاں ملازمین کو تنخواہ، مراعات اور دیگر سہولیات نے ملازمین کی زندگی آسان بنا دی ہے۔
دیگر شعبوں کی طرح دبئی میں تیزی سے ترقی کرتی ایئرلائنز کمپنیاں بھی اپنے ملازمین کے لیے پُر کشش تنخواہ اور مراعات کا اعلان کرتی ہیں چنانچہ یہ صنعت بھی ملازمین کی اولین ترجیح بن گئی ہے۔
یہی وجہ ہے کہ معروف فضائی کمپنی نے اپنے نئے پروجیکٹ کے لیے ایئر ہوسٹس سمیت دیگر اسامیوں پر ملازمتوں کا اعلان کیا ہے جس کے لیے ملازمین کو بہترین مراعات اور پُر کشش تنخواہ کی پیشکش کی گئی ہیں۔
فضائی کمپنی نے دنیا بھر سے انٹر میڈیٹ کرنے والے 24 سے 28 برس کے نوجوان لڑکے اور لڑکیوں سے فضائی میزبان اور کیبین کریو کی اسامیوں کے لیے درخواستیں طلب کی ہیں امیدواروں کے لیے انگریزی زبان پر عبور لازمی ہے۔
کامیاب امیدواروں کوبنیادی طور 9500 درہم تنخواہ کی پشکش کی گئی ہے جب کہ اس میں مزید اضافہ پروازوں کی تعداد اور شیڈول کے حساب سے کیا جائے گا۔
فضائی کمپنی کی جانب سے کامیاب امیدواروں کے لیے پُر کشش تنخواہ کے علاوہ رہائش، میڈیکل، سفری ٹکٹس اور سالانہ تعطیلات جیسی دیگر مراعات بھی رکھی گئی ہیں، ملازمت کے خواہاں یہاں *اپلائی کر سکتے ہیں۔
متحدہ عرب امارات میں دیگر پُر کشش ملازمتوں میں اپلائی کرنے کے لیے درج زیل لنک پر کلک کریں۔
دبئی میں ملازمتیں
*بہ شکریہ خلیج ٹائمز
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
