The news is by your side.

دبئی : چارکروڑ درہم کی لاگت سے دنیا کا پہلا اونٹوں کا اسپتال قائم

دبئی : اماراتی حکام نے دبئی میں چار کروڑ درہم کی لاگت سے اونٹوں کا اسپتال قائم کردیا گیا، جو پوری دنیا میں اپنی نوعیت کا پہلا اسپتال ہے۔

تفصیلات کے مطابق متحدہ عرب امارات کی ریاست دبئی میں اماراتی حکام نے صحرائی جہاز اونٹ کے علاج کےلیے دنیا میں پہے اپنی نوعیت کے اونٹوں کے اسپتال کا  افتتاح دسمبر 2017 میں متحدہ عرب امارات کے وزیر اعظم و نائب صدر اور دبئی کے حاکم شیخ محمد بن راشد المکتوم نے کیا تھا۔

 حکومت دبئی نے ٹویٹر پر  اپنے اکاﺅنٹ میں تحریر کیا کہ اس اسپتال میں برطانیہ، اسپین ، ہندوستان اور میکسیکو سے اونٹوں کے ماہر ڈاکٹر کام کررہے ہیں۔

غیر ملکی میڈیا کا کہنا ہے کہ مذکورہ اسپتال میں 20 اونٹوں کا بیک وقت علاج کیا جاسکتا ہے جبکہ انتظامیہ کی کوشش ہے کہ استپال میں 35 اونٹوں کا بیک وقت علاج کیا جاسکے جس کےلیے انتظامات کیے جارہے ہی۔

مقامی خبر رساں ادارے کا کہنا ہے کہ دبئی کے پہلے اونٹوں کے اسپتال میں علاج کے بعد اونٹوں کو نقاہت دور کرنے کے لیے ایک میدان بھی مخصوص کیا گیا ہے۔

اماراتی خبر رساں ادارے کا کہنا ہے کہ اسپتال اونٹوں کے امراض اور ان کے جسمانی اسرار دریافت کرنے کے لئے ریسرچ یونٹ بھی قائم کرے گا۔

دنیا کے پہلے اونٹوں کے اسپتال میں صحرائی جہاز (اونٹ) کا آپریشن اور ایکسرے روم کا بھی بندوبست کیا گیا ہے جبکہ مستقبل میں دیگر خدمات فرام کرنے کی منصوبہ بندی بھی کی جارہی ہے۔

مقامی میڈیا کے مطابق اسپتال انتظامیہ کی جانب سے مستقبل میں مقناطیسی ایکسرے کا بھی انتظام کیا جائے گا، جبکہ اونٹ کے جسم کے کسی بھی ایک حصے کے ایکسرے لینے والی مشین بھی مہیا ہوگی۔

Comments

یہ بھی پڑھیں