The news is by your side.

Advertisement

شہری کو پستول سے دھمکانے والا دبئی پولیس کا اہلکار گرفتار

دبئی میں غیر ملکی کاروباری شخصیت کو عوامی جگہ پر پستول سے دھمکانے والے پولیس اہلکار کو گرفتار کر لیا گیا۔

خلیجی میڈیا رپورٹ کے مطابق دبئی کی عدالت میں ایک پولیس اہلکار کے خلاف مقدمے کا ٹرائل جاری ہے جس پر الزام ہے کہ اس نے سرعام سرکاری پستول سے نہتے شہری کو دھمکایا۔

افریقی ملک سے تعلق رکھنے والے غیر ملکی شخص جو کہ مقدمے کا مدعی ہے، نے پولیس کو شکایت درج کروائی تھی کہ ایک دن وہ کیفے میں خاتون کے ساتھ بزنس ڈیل سے متعلق میٹنگ کررہا تھا کہ اس دوران باوردی پولیس اہلکار میرے پاس آیا اور اس نے مجھ پر پستول تان لی۔

شکایت کنندہ کے مطابق پولیس اہلکار نے کہا کہ یہ میری بہن ہے اس سے آئندہ کبھی نہ ملنا اور نہ بات چیت کرنے کی کوشش کرنا، پولیس اہلکار نے کہا کہ یہاں سے اٹھو اور جاؤ اور بہن سے دور ہوجاؤ۔

مدعی کے بقول اہلکار نے اس پر پستول تان لی اور کہا کہ چلے جاؤ ورنہ گولی مار دوں گا، جس پر وہ وہاں سے چلا گیا، تین دن تک پولیس کو واقعے سے متعلق نہیں بتایا لیکن دھمکیوں کا سلسلہ دراز ہوا تو مقدمہ درج کرانے کا فیصلہ کیا۔

اماراتی پولیس کے کیپٹن کا کہنا ہے کہ غیر ملکی کی شکایت پر پولیس اہلکار کو گرفتار کر کے مقدمہ درج کیا گیا اور دوران تفتیش اس نے اعتراف جرم کرتے ہوئے بتایا کہ مدعی اس کی بہن کے ساتھ بیٹھا تھا جس پر وہ طیش میں آگیا اور اس نے پستول نکال لی۔

کیپٹن کا کہنا ہے کہ ملزم کا ٹرائل جاری ہے اور 26 دسمبر تک سماعت ملتوی کی گئی ہے۔

Comments

یہ بھی پڑھیں