یو اے ای کے نائب صدر اور وزیر اعظم شیخ محمد بن راشد المکتوم کی صاحبزادی شیخہ مہرہ المکتوم نے اپنی بیٹی کی سالگرہ کی تصاویر سوشل میڈیا پلیٹ فارم پر شیئر کردیں۔
اماراری شہزادی شیخہ مہرہ المکتوم کی بیٹی مہرہ ایک برس کی ہوگئیں، انہوں نے بیٹی کی سالگرہ کی چند تصاویر سوشل میڈیا پر اپنے چاہنے والوں سے شیئر کیں۔
اپنی بیٹی کو سالگرہ کی مبارکباد دیتے ہوئے شہزادی شیخہ مہرہ نے انہیں اپنا ’فرشتہ‘ قرار دیا ہے۔ اماراتی شہزادی کے یہاں گزشتہ سال یکم مئی کو بیٹی کی ولادت ہوئی تھی۔
اس سے قبل اردن کی شہزادی ایمان بنت عبداللّٰہ دوم کے ہاں بیٹی کی پیدائش ہوئی تھی، جس کی تصاویر انہوں نے سوشل میڈیا پر شیئر کی تھیں۔
اردن کے شاہی خاندان میں ایک نیا رکن شامل ہوا، ہاشمی دربار نے اعلان کیا کہ شاہ عبداللہ اور ملکہ رانیہ کی بیٹی شہزادی ایمان نے ایک بچی کو جنم دیا ہے۔
شہزادی ایمان اور ان کے شوہر جمیل الیگزینڈر تھرمیوٹس کے ہاں ہونے والی ننھی شہزادی کا نام ’امینہ‘ رکھا گیا، شاہی خاندان کی تصاویر سوشل میڈیا پر خوب وائرل ہوئیں۔
بچی کی پیدائش عقبہ کے شہزادہ ہاشم بن عبداللہ II اسپتال میں ہوئی، ملکہ رانیہ نے انسٹاگرام پر اپنی خوشی کا اظہار کرتے ہوئے کہا ”میری پیاری ایمان اب ماں ہے۔ ہم اپنے خاندان کی نئی نعمت آمنہ سے مل کر شکر گزار اور بہت خوش ہیں۔ جمیل اور ایمان کو مبارک ہو، خدا آپ کو اور آپ کی ننھی بچی کو خوش رکھے۔“
