دبئی : سرکاری حکام نے چھ سال قبل پاکستان سے ملازمت کے لیے متحدہ عرب امارات آنے والے شخص کی ایئر پورٹ پر بوڑھے والدین سے ملاقات کروادی۔
تفصیلات کے مطابق دبئی کے ڈائریکٹر جنرل برائے امور خارجہ نے دبئی میں ماؤں کے دن کے موقع نوکری کے سلسلے میں دبئی آنے والے پاکستانی شخص کی انٹرنیشنل ائیرپورٹ پروالدین سے ملاقات کروائی۔ پاکستانی شخص گذشتہ 6 برسوں سے دبئی کے سرکاری محکمے میں ڈرائیور کی نوکری کررہا ہے جبکہ اس کے والدین پاکستان میں مقیم ہیں۔
دبئی میں مقیم پاکستانی شہری کے والدین عمرہ ادائیگی کے بعد پاکستان واپس لوٹ رہے تھے کہ انٹرنیشنل ایئر پورٹ پر جہاز نے قیام کیا اس دوران بوڑھے والدین انتظار گاہ میں آکر بیھٹے تو حکومت کی جانب سے پاکستانی ڈرائیوراوراس کے والدین کے مابین ملاقات کروائی گئی۔عرب میڈیا کے مطابق ملازم نے اپنے ادارے سے درخواست کی تھی کہ اس کی والدین سے کچھ گھنٹے ملاقات کروائی جائے۔
سرکاری ادارے نے دفترخارجہ کو تحریری طور پر آگاہ کیاجس کے بعد افسران نے ہوائی اڈے کے ٹرمنل نمبر 3 پر ملاقات کا اہتمام کروایا۔ پاسپورٹ کنٹرول ڈیپارٹمنٹ کے حکام کا کہنا ہے کہ والدین سے ملاقات کا یہ جذباتی منظر دیکھنے والے ہر فرد کی آنکھ اشکبار تھی۔
اس موقع پر میجر جنرل محمد احمد المرّی کا کہنا تھا کہ کسی کو خوشی فراہم کرنا کامیابیوں کی کنجی ہے،اس لیے ہم دبئی میں بسنے والے خاندان کے دلوں کو خوشیوں سے بھرنا چاہتے ہیں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں