دبئی اور شارجہ میں قومی دن کے موقع پر دو دن کی مفت پارکنگ کا اعلان کیا گیا ہے۔
عرب میڈیا کی رپورٹ کے مطابق متحدہ عرب امارات میں پبلک پازرکنگ استعمال کرنے والے 2 اور 3 دسمبر کو فیس سے مستثنیٰ ہوں گے، ادا شدہ پارکنگ فیس 4 دسمبر بروز بدھ سے لاگو ہوگی۔
تاہم شارجہ کے ادا شدہ پارکنگ زونز میں معمول کے مطابق چارجز لاگو ہوں گے جو کہ ہفتے کے ہر دن، بشمول عوامی تعطیلات پر فیس کے ساتھ مشروط ہیں۔
ان زونز کی شناخت نیلے رنگ کی معلوماتی نشانیوں سے کی جا سکتی ہے۔
واضح رہے کہ اس سے قبل دبئی نے آئندہ عام تعطیلات پر مفت پارکنگ کا بھی اعلان کیا تھا۔
امارات کی روڈز اینڈ ٹرانسپورٹ اتھارٹی (آر ٹی اے) نے جمعہ کو کہا تھا کہ تمام پبلک پارکنگ (کثیر منزلہ پارکنگ کے علاوہ) پیر، 2 دسمبر سے، منگل، 3 دسمبر کے اختتام تک مفت ہوگی۔
امارات میں اتوار کے روز پارکنگ کی کوئی فیس وصول نہیں کی جاتی ہے۔
یاد رہے کہ یو اے ای کے قومی دن کے موقع پر شہریوں کے لے چار دن کی تعطیلات ہیں، سرکاری حکام نے 2 اور 3 دسمبر کو نجی اور سرکاری دونوں شعبوں میں تعطیلات کا اعلان کیا تھا۔
