دبئی : متحدہ عرب امارات میں پاکستانی شہری نے ایک لاکھ درہم جیت لیے، ہفتہ وار محظوظ قرعہ اندازی میں تین خوش قسمت شرکاء نے ایک ایک لاکھ درہم حاصل کیے۔
تفصیلات کے مطابق دبئی کی محظوظ نامی کمپنی کی ہفتہ وار قرعہ اندازی میں تین خوش قسمت غیرملکی شہریوں نے فی کس ایک لاکھ درہم جیت لیے۔
مذکورہ کمپنی کی یہ 55 ویں لائیو قرعہ اندازی تھی، جس میں تین خوش قسمت تارکین وطن نے اپنا قیمتی انعام وصول کیا، اس موقع پر ان کی خوشی قابل دید تھی۔
خلیج ٹائمز کے مطابق برطانیہ سے انس، پاکستان سے محمد اور بھارت سے قدیر نے پہلا انعام اپنے نام کیا، ان کے جیتنے والے ریفل نمبر بالترتیب 23208857، 23038820 اور 23136429 تھے۔
اس کے علاوہ 23 شرکاء کے 5 میں سے 4 نمبرز میچ کیے جنہوں نے 10 لاکھ درہم کا دوسرا انعام حاصل ہوئے ہر ایک نے 43 ہزار 478 درہم جیتے۔
اس کے علاوہ 350 درہم کا تیسرا انعام 1 ہزار 378 دیگر شرکاء نے جیتا جن کے 5 میں سے 3 نمبروں میں مماثلت تھی، یوں قرعہ اندازی میں 1 ہزار 404 شرکاء مجموعی انعامی رقم میں سے 17 لاکھ 82 ہزار 300 درہم جیت گئے۔
اس حوالے سے بتایا گیا ہے کہ دو کروڑ درہم کا سب سے بڑا انعام اب بھی باقی ہے، جو حاصل کرنے کے لیے محظوظ میں شرکت کرنا آسان ہے۔
اس مقصد کے لیے تمام آنے والوں کو محظوظ ڈاٹ اے ای کے ذریعے اندراج کرانا چاہیے اور 35 درہم میں پانی کی بوتل خریدنا ہوگی، خریدی گئی ہر بوتل کے لیے شرکاء سب سے بڑا انعام، دوسرا انعام یا تیسرا انعام جیتنے کے موقع کے لیے محظوظ کی عظیم الشان قرعہ اندازی میں حصہ لے سکتے ہیں۔
ذرائع کا کہنا ہے کہ پانی کی یہ بوتل خریدنے والے خود بخود ہفتہ وار ریفل ڈرا میں بھی شامل ہوجائیں گے جہاں تین خوش قسمت فاتحین کو ہر کسی کو ایک لاکھ درہم گھر لے جانے کی ضمانت دی جائے گی۔
