ابوظبی : دبئی کے ٹارچ ٹاور میں لگی آگ پرقابو پالیا گیا ہےجبکہ رہائشی عمارت میں سے لوگوں کوبھی بحفاظت نکال لیا گیا ہے۔
تفصیلات کے مطابق دبئی میں ٹارچ ٹاورمیں آگ لگ گئی جس نے تیزی سے عمارت کو اپنی لپیٹ میں لے لیا۔ آگ بجھانے والے عملےنےعمارت میں لگی آگ پر قابوپالیا۔
عینی شاہدین کی طرف سے سماجی رابطوں کی ویب سائٹس پر پوسٹ کی گئی ویڈیوز میں دیکھا جا سکتا ہے کہ ٹارچ ٹاور کے اوپری حصے میں کس قدر شدید آگ کے شعلے بھڑک رہے تھے۔
I hope everyone is safe #dubaifire #torchtower #dubai #dubaimarina #fire #torchtowerfire pic.twitter.com/4yl8v1jvFY
— Ric Boullemier (@RicBoull) August 3, 2017
حکام کا کہنا ہے کہ رہائشی عمارت میں سے لوگوں کو نکال لیا گیا ہے اور متاثرین کے لیے قریبی ہوٹلز اورعمارتوں میں رہائش کا انتظام کردیا گیا ہے۔
دوسری جانب اسکائی اسکریپر سینٹر کے مطابق یہ عمارت دنیا کی بلند ترین عمارتوں کی فہرست میں 32 ویں نمبر پر ہے اور اس میں 676 فلیٹس ہیں۔
خیال رہےکہ دبئی کی اس رہائشی عمارت میں دو بیڈ روم اپارٹمنٹ کی قیمت پانچ لاکھ ڈالر سے شروع ہوتی ہے جبکہ اس عمارت میں آٹھ منزلہ پارکنگ ہے اور سوئمنگ پول ہے۔
واضح رہے کہ ٹارچ ٹاور کا افتتاح 2011 میں ہوا تھا اور یہ 79 منزلہ عمارت ہے۔ افتتاح کے وقت یہ دنیا کی بلند ترین رہائشی عمارت تھی۔
