جہلم کے شہر پنڈ دادن خان میں رکشہ ڈمپر کے نیچے کچلا گیا جس کے نتیجے میں محکمہ صحت کی دو لیڈی ورکرز جاں بحق ہوگئیں۔
خوفناک حادثہ للہ روڈ پر انٹرچینج کے قریب پیش آیا۔ خواتین للہ سے ٹوبھہ کا سفر کر رہی تھیں۔ دونوں کا تعلق ٹوبھہ سے تھا۔
حادثے کی اطلاع ملتے ہی ریسکیو ٹیمیں جائے وقوعہ پر پہنچیں۔
بتایا جا رہا ہے کہ رکشہ میں تین خواتین سوار تھیں جنہیں زخمی حالت میں رورل ہیلتھ سنٹر للہ منتقل کیا گیا۔ دوران علاج دو خواتین جانبر نہ ہو سکیں۔
