ممبئی: بالی وڈ کے سُپر اسٹار شاہ رخ خان، تاپسی پنو اور وکی کوشل کی چند روز قبل ریلیز ہونے والی فلم ’ڈنکی‘ کے ہر جانب چرچے ہیں، فلم ڈنکی نے 2023کے آخری دن 12 کروڑ روپے کی آمدنی حاصل کی۔
بھارتی میڈیا کے مطابق باکس آفس پر اپنی ریلیز کے 11ویں دن شاہ رخ خان کی فلم ڈنکی نے اچھا بزنس کیا، فلم نے sacnilk.com کے ابتدائی تخمینے کے مطابق 12 کروڑ کمائے۔
رپورٹ کے مطابق، فی الحال، فلم کی کل کمائی 188.22 کروڑ ہے۔ اتوار کو، فلم نے اپنے شوز کے لیے مجموعی طور پر 38.49 فیصد کا قبضہ حاصل کیا۔
دوسری جانب راجکمار ہیرانی کی فلم نے اب تک عالمی باکس آفس پر اپنی مضبوط گرفت برقرار رکھی ہے۔
شاہ رخ خان نے اس میں مرکزی کردار ادا کیا ہے۔ سُپر اسٹار نے فلم کیلیے 28 کروڑ روپے معاوضہ لیا۔ انہوں نے فلم ’پٹھان‘ اور ’جوان‘ کیلیے 100 کروڑ روپے کا معاوضہ وصول کیا تھا۔
فلم ’ڈنکی‘ سے کن نامور گلوکاروں کا گانا ہٹایا گیا؟
’ڈنکی‘ میں تاپسی پنو کو سُپر اسٹار کے ساتھ پہلی بار کام کرنے کا موقع ملا۔ اداکارہ نے اس پروجیکٹ کیلیے کُل 11 کروڑ روپے چارج کیے۔
