کراچی: شوبز انڈسٹری کی ابھرتی ہوئی اداکارہ درفشاں سلیم کی نئی تصاویر سوشل میڈیا پر وائرل ہوگئیں۔
اے آر وائی ڈیجیٹل کے ڈراموں ’بھڑاس‘ اور ’پردیس‘ میں شاندار اداکاری سے مداحوں کے دلوں میں گھر کرنے والی اداکارہ درفشاں سلیم کی ساڑھی میں ملبوس تصاویر وائرل ہوگئیں۔
View this post on Instagram
اداکارہ نے فوٹو اور ویڈیو شیئرنگ ایپ انسٹاگرام پر تصاویر شیئر کیں جن میں دیکھا جاسکتا ہے کہ اداکارہ نے جامنی رنگ کی ساڑھی زیب تن کی ہوئی ہے۔
درفشاں سلیم کی تصاویر کو منال خان سمیت دیگر شوبز فنکاروں اور مداحوں کی جانب سے خوب سراہا جارہا ہے۔
View this post on Instagram
درفشاں سلیم نے رواں سال مارچ میں بھڑاس ڈرامے میں شاندار اداکاری پر ایمرجنگ ٹیلنٹ کا ایوارڈ حاصل کیا تھا۔
View this post on Instagram
واضح رہے کہ اداکارہ درفشاں سلیم نے حال ہی میں ایک نجی ٹی وی کو انٹرویو دیتے ہوئے کہا تھا کہ وہ کسی بھی قیمت پر آئٹم نمبر نہیں کریں گی۔
مزید پڑھیں: ’آئٹم نمبر کبھی نہیں کروں گی‘
درفشاں کا کہنا تھا کہ وہ اپنے کپڑوں حتیٰ کہ ہر چیز سے متعلق خاصی حساس ہیں لہٰذا کوئی بھی ایسا کردار نہیں کرنا چاہیں گی جس میں عورت کو نمائش کے طور پر استعمال کیا جارہا ہو۔
اداکارہ کا مزید کہنا تھا کہ جس بھی کردار میں عورت کو بطور خاص پیش کیا جائے گا وہ اس کردار کو کسی صورت تسلیم نہیں کریں گی۔
درفشاں سلیم کا نیا ڈرامہ ’عشق جنون‘ اے آر وائی ڈیجیٹل پر جلد نشر کیا جائے گا۔
