پاکستانی ڈرامہ انڈسٹری کی معروف اداکارہ درفشاں سلیم کی نئی تصاویر سوشل میڈیا پر وائرل ہوگئیں۔
اے آر وائی ڈیجیٹل کے ڈرامہ سیریل کیسی تیری خود غرضی، پردیس اور بھڑاس سے شہرت کی بلندیوں کو چھونے والی اداکارہ درفشاں سلیم نے انسٹاگرام پر نئی تصاویر شیئر کیں جس میں انہیں سیاہ رنگ کے لباس میں سنجیدگی کا تاثر دیتے دیکھا جاسکتا ہے۔
اداکارہ نے تصاویر شیئر کرتے ہوئے کیپشن میں لکھا کہ ’بلا معاوضہ پوسٹ۔‘
درفشاں سلیم نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور ان کی خوبصورتی کی تعریف کررہے ہیں۔
گزشتہ دنوں درفشاں سلیم نے اداکارہ حرا خان کی مہندی کی تقریب میں مادھوری ڈکشت کے گانے ’آجا نچلے‘ پر ڈانس کیا تھا جس کی ویڈیو وائرل ہوگئی تھیں۔
اداکارہ کے فالوورز کی تعداد 15 لاکھ سے زائد ہے اور وہ سوشل میڈیا پر کافی متحرک رہتی ہیں اکثر اپنی ویڈیوز اور تصاویر شیئر کرتی رہتی ہیں جسے ان کے مداح بھی پسند کرتے ہیں۔
انہوں نے 14 جنوری کو 27ویں سالگرہ منائی تھی جس کی تصاویر سوشل میڈیا پر وائرل ہوگئی تھیں۔
یاد رہے کہ گزشتہ ماہ گلوکار عاصم اظہر اور درفشاں سلیم کا گانا ’کبھی دل کو دکھانا، وفا بھی دینا‘ ریلیز ہوا تھا جسے یوٹیوب پر لاکھوں ویوز حاصل ہوئے تھے۔
