لکھنؤ: بھارت میں پوجا کے دوران آگ لگنے سے 5 افراد ہلاک، 60 سے زائد زخمی ہو گئے۔
بھارتی میڈیا کے مطابق بھارتی ریاست اترپردیش شہر بھڈوہی میں درگا پوجا کے دوران آتشزدگی سے 3 بچوں سمیت 5 افراد ہلاک اور ساٹھ سے زائد زخمی ہو گئے۔
زخمیوں کو طبی امداد کے لیے فوری طور پر قریبی اسپتال منتقل کیا گیا، جہاں کئی افراد کی حالت نازک رپورٹ ہو رہی ہے۔
بھارتی میڈیا کے مطابق ریاست اترپردیش میں درگا پوجا کے دوران آرتی کی رسم کے دوران پنڈال میں آگ بھڑک اٹھی تھی، حکام کا کہنا ہے کہ آرتی کے دوران ڈیڑھ سو افراد پنڈال میں موجود تھے۔
Watch this
Initial moment of fire inside the Durga Pandal in #Bhadohi district. pic.twitter.com/2JYe2d8d4B
— Arvind Chauhan (@Arv_Ind_Chauhan) October 2, 2022
پولیس کے مطابق آتشزدگی کی وجہ شارٹ سرکٹ ہو سکتی ہے تاہم واقعے کی تحقیقات کی جا رہی ہے۔ ایک عینی شاہد نے میڈیا کو بتایا کہ آرتی کے وقت پنڈال کے داخلی دروازے کے قریب ایک پردے میں آگ لگ گئی تھی۔
