دوران پرواز پائلٹ دل کا دورہ پڑنے سے جان کی بازی ہار گیا، بتایا جارہا ہے کہ جس وقت ڈاکٹر کا انتقال ہوا وہ باتھ روم میں تھا، جبکہ اس وقت جہاز میں 200سے زائد مسافر موجود تھے۔
بین الاقوامی خبر رساں ادارے کی رپورٹ کے مطابق لٹام ائیر لائن کا 56 سالہ پائلٹ ایوان اینڈور 271 مسافروں کو لیکر میامی کی جانب رواں دواں تھا کہ طیارے کے اڑان بھرنے کے 40 منٹ بعد طیارے کے ساتھی پائلٹ نے طیارے میں موجود مسافروں سے پوچھا کہ کیا آپ میں سے کوئی ڈاکٹر ہے۔
بد قسمتی سے اس وقت جہاز میں کوئی ڈاکٹر موجود نہیں تھا، جب پائلٹ ایوان کی طبیعت زیادہ خراب ہوئی تو ساتھی پائلٹ نے طیارے کو ہنگامی طور پر لینڈ کرانے کا فیصلہ کیا۔
رپورٹس میں بتایا گیا ہے کہ طیارے کی پناما کے انٹرنیشنل ایئرپورٹ پر ہنگامی لینڈنگ کے بعد ایک نرس اور ایک ڈاکٹر پائلٹ کی جان بچانے غرض سے طیارے میں پہنچے تاہم پائلٹ کا انتقال ہوچکا تھا۔ کی
ڈاکٹر نے کہا کہ طیارے کے لینڈ کرنے کے بعد ایوان اینڈور کا انتقال ہوا، جبکہ ان کے انتقال کی وجہ دل کا دورہ بنی، جس کے بعد اگلے روز طیارے کا آپریشن دوبارہ بحال کیا گیا۔
