کراچی : شہر قائد میں مٹی کے طوفان کے باعث متعدد علاقوں میں حدنگاہ میں کم ہوگئیں جبکہ کہیں تیز اور کہیں ہلکی بارش کا سلسلہ جاری ہے۔
تفصیلات کے مطابق کراچی میں شدید گرمی کے بعد مختلف علاقوں میں بادل برس پڑے، کہیں تیز اور کہیں ہلکی بارش ہوئی جبکہ بعض علاقوں میں تیزہواؤں کے جھکڑ چلے اور مٹی کا طوفان آگیا۔
شہر میں مٹی کے طوفان کے باعث متعدد علاقوں میں حدنگاہ میں کمی ہوئی، سچل، اسکیم 33، گلشن حدید، شاہ لطیف ٹاؤن اور رزاق آباد میں بارش جبکہ سرجانی ٹاؤن، ناظم آباد، نارتھ ناظم آباد اور گلشن اقبال میں مٹی کا طوفان آیا۔
چیف میٹرولوجسٹ سردار سرفراز کا کہنا ہے کہ گرمی کےسبب بادلوں کی تشکیل ہوئی ہے آدھے گھنٹے تک شہر کے دیگر علاقوں پر بھی بادل اثر انداز ہوسکتے ہیں۔
