معروف ہالی ووڈ اداکار ڈوین جانسن کو بیٹیوں کے اصرار پر میک اپ کروانا پڑ گیا، ان کی دلچسپ ویڈیوز سوشل میڈیا پر وائرل ہوگئیں۔
ہالی ووڈ کے معروف اداکار و سابق ریسلر ڈوین جانسن (دی راک) نے سماجی رابطے کی ویب سائٹ انسٹاگرام پر اپنی دو بیٹیوں کے ساتھ دلچسپ ویڈیوز پوسٹ کیں۔
انہوں نے لکھا کہ ان کے گھر آتے ہی ان کی بیٹیاں میک اپ آرٹسٹ بن گئیں۔ ڈوین جانسن نے بیٹیوں سے محبت کا اظہار کرتے ہوئے انہیں منع نہیں کیا اور خود ان کے کسٹمر بن گئے۔
View this post on Instagram
بیٹیوں نے والد پر میک اپ کا تمام سامان استعمال کیا اور انہیں رنگین وگ بھی پہنا دی۔
View this post on Instagram
اداکار نے لکھا کہ میں نے ابھی تک آئینہ نہیں دیکھا لیکن یقیناً میں اتنا ہی بہترین لگ رہا ہوں گا جتنا بہترین خود کو محسوس کر رہا ہوں۔
