The news is by your side.

Advertisement

ای ارن پروگرام : پاکستانی فری لانسرز کیلئے ایک سنہری موقع

لاہور : پنجاب میں فری لانسرز کیلئے ای ارن پروگرام کاافتتاح کر دیا گیا ، کوورکنگ اسپیس میں نشست حاصل کرنے کیلئے عمرکی حد 18 سے 36سال ہے۔

تفصیلات کے مطابق صوبائی وزیر انفارمیشن ٹیکنالوجی پنجاب یاسرہمایوں نے فری لانسرز کیلئے ای ارن پروگرام کاافتتاح کر دیا ، پروگرام کےتحت پنجاب کے36اضلاع میں کو ورکنگ سینٹرز قائم کئےجائیں گے۔

راجہ یاسرہمایوں نے کہا 10 ہزارفری لانسرز کیلئے کام کی جگہ اور انٹرنیٹ فراہم کیاجائےگا، فری لانسرز کو بجلی اورٹریننگ ہال کی سہولت بھی فراہم کی جائیں گی۔

وزیر انفارمیشن ٹیکنالوجی کا کہنا تھا کہ پہلےکوورکنگ سینٹرکاآغازاسی ہفتےبہاولپورسےکیاجارہاہے ، جس کے بعد راولپنڈی اورفیصل آبادکےسینٹرز بھی جلدکھول دئیےجائیں گے، کوورکنگ اسپیس میں نشست حاصل کرنےکیلئےعمرکی حد18سے36سال ہے۔

چیئرمین پی آئی ٹی بی اظفر منظور نے کہا اچھی فری لانسنگ پروفائل، شناختی کارڈ اور پنجاب کاڈومیسائل لازمی ہے، فری لانسرز40 فیصدفیس ادا کرکے ایک نشست4 ماہ کیلئے حاصل کرسکیں گے۔

Comments

یہ بھی پڑھیں