لاہور: پاکستان اور بنگلا دیش کے درمیان ٹی ٹوئنٹی سیریز کے پیش نظر جمعےاورہفتےکواسکولوں میں جلدی چھٹی دینے کا اعلان کردیا گیا ، پہلا ٹی ٹوئنٹی کل قذافی اسٹیڈیم لاہور میں کھیلا جائے گا۔
تفصیلات کے مطابق پاکستان اور بنگلہ دیش کے درمیان سیریز کا پہلا ٹی ٹوئنٹی کل قذافی اسٹیڈیم میں کھیلا جائے گا ، ٹی ٹوئنٹی میچ کے پیش نظر جمعے اور ہفتے کو اسکولوں میں جلدی چھٹی دینے کا اعلان کردیا ، سی ای او ایجوکیشن نے کہا اسکولوں میں 11بجے چھٹی دی جائے گی۔
سیریزکی چمچماتی ٹرافی کی نکاب کشائی کردی گئی ہے اور دونوں ٹیموں نے سیریز سے قبل تیاریوں کو حتمی شکل دے دی ہے، اس موقع پر سیکیوررٹی کے سخت انتظامات کئے جائیں گے ، اس دوران 24ایمبولینس،10فائر وہیکلز،41موٹر بائیک تعینات ہوں گی جبکہ اسٹیڈیم میں اوراطراف 20 اضافی ریسکیو پوسٹیں بنائی گئی ہیں۔
خیال رہے کہ بنگلادیشی ٹیم لاہور میں 3 ٹی ٹوئنٹی میچز کھیلے گی، دونوں ٹیموں کے درمیان ٹی ٹوئنٹی سیریز کا پہلا میچ 24 جنوری کو قذافی اسٹیڈیم لاہور میں ہوگا جب کہ دوسرا میچ 25 اور تیسرا اور آخری میچ 27 جنوری کو قذافی اسٹیڈیم میں ہی کھیلا جائے گا۔
بنگلا دیش کرکٹ ٹیم سیریز کھیلنے کے لیے لاہور پہنچی تو لاہور ایئرپورٹ پر پی سی بی حکام نے مہمان ٹیم کا استقبال کیا، مہمان کھلاڑیوں کو گل دستے پیش کیے گئے تھے۔
