اسلام آباد: ملک کے مختلف شہروں میں زلزلے کے جھٹکے محسوس کئے گئے.
تفصیلات کے مطابق اسلام آباد، شانگلہ، چترال، پشاور، گلگت، ہری پور اور گردونواح میں زلزلے کے جھٹکے محسوس کئے گئے، جس سے لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے.
ذرائع کے مطابق لوئر دیر، چلاس، مالاکنڈ، مردان، ایبٹ آباد، چارسدہ، استور اور صوابی و گردونواح میں بھی زلزلے کے جھٹکے محسوس کئے گئے۔
زلزلہ پیما مرکز کے مطابق حالیہ زلزلے کی شدت ریکٹر اسکیل پر 7.2 ریکارڈ کی گئی ہے.
بھارتی میڈیا کے مطابق نئی دلی سمیت بھارت کے شمالی علاقوں میں بھی زلزلے کے جھٹکے محسوس کئے گئے ہیں۔