نیپال کے مکوان پور ضلع کے چتلانگ میں 4.5 شدت کے زلزلے کے جھٹکے محسوس کیے گئے۔ جس کے باعث لوگوں میں خوف و ہراس پھیل گیا۔
بین الاقوامی خبر رساں ادارے کی رپورٹ کے مطابق نیپال سیسمولوجی سینٹر کا اس حوالے سے کہنا ہے کہ 23 نومبر کی صبح زلزلے کے جھٹکے محسوس کیے گئے۔
نیپال کے مکوان پور ضلع کے چتلانگ میں 4.5 شدت کے زلزلے کے جھٹکوں کو محسوس کیا گیا، تاہم ابھی تک کسی بڑے نقصان کے حوالے سے اطلاعات سامنے نہیں آئیں۔
یاد رہے کہ رواں ماہ کے آغاز میں بھی 3 نومبر کو نیپال میں 6.4 شدت کے زلزلے کے شدید جھٹکے محسوس کیے گئے تھے، جس کے نتیجے میں 157 افراد ہلاک اور ہزاروں زخمی بھی ہوگئے تھے۔
نیپال کی تاریخ کا بدترین زلزلہ سال 2015 میں آیا تھا، اس دوران زلزلے کی شدت 7.8 اور 8.1 ریکارڈ کی گئی تھی، جس کے نتیجے میں 8 ہزار سے زائد افراد جان کی بازی ہار گئے تھے۔
افغانستان میں 9 روز کے دوران تیسرا زلزلہ، شدت 6.3 ریکارڈ
زلزلے کے یہ جھٹکے 25 اپریل 2015 کو مقامی وقت کے مطابق صبح 11:56 پر محسوس کیے گئے تھے۔ جس کے باعث کئی تاریخی عمارتیں زمین بوس ہوگئی تھیں۔
